PARAMUKTA QATIÇHANAPAQ

Kay paçançikpiqa waranwaran paramuqa şamun, çaynaw şamur kusakta piñaçimançik, mana imatapis rurayta puytinçikçu.

Unay rukukunaqa ñiqmi paramutaqa qatiçhançik sakitakta takiçir.

Imanawtaqa çayqa? Sakakta aypar sirkallaman apançik, çaypi kusata takiçinçik.

Çaynaw takiçişqaqa paramuqa çunllarqan. Çaynawmi paramutaqa qatiçhançik.

INAPMANTA

Unaq kusakta rupayatinqa çhirap şamun, çaynaw çhirap şamutinqa çimpalawpiqa inapqa kan.

Yaçhaqkunaq ñin, manaşi umaçallaqa purinçikçu, çaynaw purişaqa inapqa aypar qişaçimançik.

Imanawtaq çay qişayqa?, çay qişayqa imançikpipis aypamançik, çuqrikar mana allyayta puytintinçikçu.

Çaypaq rimidyuktaqa yaçhaqkuna ruranllapa.